Ish-banori i “Big Brother”, Fation Kuqari, duket se po përjeton një histori të re dashurie. Këtë herë, ai ka vendosur të ndajë me ndjekësit disa momente romantike nga jeta e tij private, duke lënë të kuptohet se zemra e tij tashmë i përket dikujt.
Përmes disa fotografive të publikuara në rrjetet sociale, Fationi është shfaqur pranë partneres së tij, duke i shoqëruar pamjet me një këngë me nota romantike. Edhe pse nuk e ka fshehur faktin se është në një lidhje, ai ka treguar kujdes për të mos zbuluar identitetin e vajzës që i ka rrëmbyer zemrën.
Në fotot e ndara, ish-banori i “Big Brother” ka vendosur emoji mbi fytyrën e partneres, duke ruajtur kështu misterin rreth personit që ka në krah. Duket se Fationi ka zgjedhur ta shijojë këtë romancë të re larg vëmendjes dhe kureshtjes së publikut.








