Është koha… Big Brother VIP Albania rikthehet me edicionin e gjashtë: Detajet ekskluzive për datën e nisjes!

LajmeShowbiz
Është koha… Big Brother VIP Albania rikthehet me edicionin e gjashtë: Detajet ekskluzive për datën e nisjes!

Nëse për të gjithë botën spageti-pop i Mariah Carey me “It’s Time” shënon ardhjen e festave të fundvitit, për shqiptarët ekziston vetëm një thirrje që ndez rrjetin: Big Brother VIP Albania po rikthehet!

Duke u bazuar në këtë viralitet botëror, produksioni i reality show-t më të ndjekur në Shqipëri ka ndërmarrë një iniciativë speciale për të lansuar një video virale me logon ikonike të Big Brother, e cila paralajmëron nisjen e edicionit më të zjarrtë deri më sot.

Nga Ilir Shaqiri te Luiz Ejlli, Egla Ceno e Gjesti: Kush do të jetë fituesi i radhës?

Historia e Big Brother VIP Albania ka dhënë emocione të papërsëritshme përgjatë sezoneve. Që nga triumfi i Ilir Shaqirit në edicionin e parë, te fenomenalitetit i Luiz Ejllit, loja e fortë e Egla Ceno-s, e deri te protagonistët më të përfolur si Gjesti apo Selin Bollati, pyetja që mundon të gjithë është vetëm një:Kush do të jetë fituesi i madh i këtij sezoni të ri?

Burime Ekskluzive për 99lajme: Si do të zbulohet data e madhe e nisjes?

Burime ekskluzive për 99lajme konfirmojnë se promo zyrtare me datën e nisjes do të zbulohet gjatë javës së parë të dhjetorit.

Pjesë e kësaj promoje spektakolare do të jenë pikërisht ish-banorët e sezonit të kaluar! Do të jenë ata që do të zbulojnë zyrtarisht për publikun datën se kur do të hapen dyert e shtëpisë më të famshme në Shqipëri.

Drejtimi dhe Opinionistët: Ledion Liço dhe Arbër Hajdari të konfirmuar

Sa i përket drejtimit të spektaklit, timoni i prezantimit i është besuar sërish Ledion Liços, i cili pas suksesit të edicionit të kaluar rikthehet për të udhëhequr mbrëmjet e gjata të Prime-it.

Në karrigen e opinionistit është konfirmuar përsëri Arbër Hajdari, me analizat e tij të drejtpërdrejta. Ndërkohë, emri i Monika Lubonjës mbetet ende në pritje, por burimet bëjnë me dije se me shumë gjasa edhe ajo do të jetë sërish pjesë e panelit në këtë edicion të ri.

Kur nis Big Brother VIP Albania?

Nëse po pyesni se kur do të ndizen dritat e shtëpisë, një gjë është plotësisht e sigurt: Krishtlindjet dhe Vitin e Ri banorët e rinj do t’i festojnë të izoluar!

Shtëpia më e famshme do të ndezë dritat përfundimisht në fund të muajit dhjetor, duke garantuar se festat e fundvitit do të shoqërohen me dramën, debatin dhe spektaklin e madh që vetëm ky format di të dhurojë.

Qëndroni të lidhur me 99lajme për përditësimet më të fundit rreth emrave të banorëve të rinj VIP!

Mos humbisni

Historitë që po bëjnë bujë

Lër një koment