Aktorja joshëse turke, Su Burcu Yazgı Coşkun, ka ndezur rrjetin dhe ka rikthyer të gjithë vëmendjen te jeta e saj private, pas thashethemeve përvëluese që e lidhnin me idol-in e muzikës shqiptare, Butrint Imerin.
E ftuar në divanin elitar të emisionit italian “Verissimo”, aktorja ka ndarë detaje ekskluzive mbi statusin e saj emocional, duke pohuar me bindje se për momentin zemra e saj është e lirë.
Gjatë bisedës me nota intime, fokusi u zhvendos te një fotografi misterioze që trazoi rrjetet sociale, ku ajo shfaqej e afërt pranë një mashkulli enigmatik. Su Burcu zbuloi se mashkulli në foto ishte ish-partneri i saj, duke nënvizuar se ajo histori tashmë i përket së kaluarës.
Ky rrëfim vjen menjëherë pas videos provokuese ku aktorja la të dallohej dora e një mashkulli me një tatuazh plot stil — një detaj i nxehtë që bëri që fansat të “çmendeshin” dhe të dyshonin menjëherë se pas atij prekjeje fshihej prá Butrint Imeri.
Edhe pse pamjet u përhapën me shpejtësi rrufe duke ndezur aludimet për një romancë pasionante, intervista e aktores la ende vend për fantazi. A ishte Butrinti mashkulli i fotove misterioze apo një sekret i ri? Kjo mbetet një enigmë magjepsëse, pasi asnjëri prej tyre nuk e ka konfirmuar apo mohuar plotësisht shkëndijën mes tyre.








