Pas surprizës së organizuar për Selin, situata në shtëpi ka marrë një kthesë të papritur. E ëma e saj, e cila hyri për t’i dhënë një mesazh mbështetjeje, ka habitur jo vetëm Selin por edhe publikun, duke i kërkuar asaj të tërhiqet nga gara.
Kjo deklaratë ka shkaktuar menjëherë reagime në studio, ku moderatori Ledion Liço ndërhyri duke thënë se shpresonte që gjithçka të ishte thjesht një shaka e 1 prillit. Megjithatë, nga reagimi i Selin duket se situata është serioze dhe se ajo po e konsideron me të vërtetë vendimin e familjes.
Nëse ky vendim konfirmohet, largimi i Selin do të ishte një nga zhvillimet më të forta të këtij edicioni, sidomos duke marrë parasysh se finalja e madhe është vetëm 17 ditë larg, më 18 prill, dhe ajo konsiderohej si një nga pretendentet kryesore për fitore.
Mbetet për t’u parë nëse Selin do të ndjekë këshillën e familjes apo do të vendosë të vazhdojë garën deri në fund.