Harry Kane është fitues i Topit të Artë 2026, duke kurorëzuar një nga sezonet më të mira të karrierës së tij me Bayern Munichun dhe kombëtaren e Anglisë.
Sulmuesi anglez ishte ndër kandidatët kryesorë pas një sezoni të jashtëzakonshëm para portës, me gjithsej 73 gola në 65 paraqitje për klubin dhe kombëtaren. Prej tyre, 61 i shënoi me fanellën e Bayernit, ndërsa 12 me Anglinë.
Kane ishte vendimtar në sukseset e Bayernit, që fitoi Bundesligën dhe Kupën e Gjermanisë, ndërsa triumfoi edhe në Superkupën e Gjermanisë. Ai e mbylli kampionatin gjerman me 36 gola, duke fituar Këpucën e Artë për herë të tretë radhazi.
Me këtë çmim, Kane shpërblehet për një sezon në të cilin ndërthurën shifrat e jashtëzakonshme individuale dhe sukseset me klubin.
