Një tjetër kapitull i bukur po nis për Uedën dhe Arlindin, çiftin që rrëmbeu fitoren në edicionin e parë të “Love Island Albania”. Dyshja ka ndarë me ndjekësit lajmin e ëmbël se familja e tyre së shpejti do të zgjerohet.
Përmes një postimi në rrjetet sociale, Ueda dhe Arlindi kanë bërë të ditur se janë në pritje të fëmijës së dytë. Në foton familjare, çifti shfaqet së bashku me vajzën e tyre, Amean, ndërsa barku i rrumbullakosur i Uedës dhe fotot e ekografisë konfirmojnë shtatzëninë.
“Edhe një herë! Nga 3 do të bëhemi 4!”, ka shkruar Ueda, duke shoqëruar me emocion këtë moment të veçantë.
Historia e Uedës dhe Arlindit nisi brenda vilës së “Love Island Albania”, ku lidhja e tyre u shndërrua në një nga historitë më të komentuara të formatit. Çifti arriti deri në finale dhe në fund u shpall fitues i edicionit të parë.
Pas përfundimit të spektaklit, dashuria e tyre vijoi edhe jashtë kamerave. Dyshja krijoi familjen e saj dhe pak kohë më vonë u bë prindër për herë të parë me ardhjen në jetë të Ameas.
Tashmë, familja po përgatitet për një tjetër moment të madh. Ueda dhe Arlindi do të bëhen prindër për herë të dytë, ndërsa gjinia e bebit ende nuk është bërë publike.
Lajmi ka marrë menjëherë urime dhe reagime të shumta nga ndjekësit, të cilët kanë përshëndetur çiftin për këtë surprizë të bukur.